İordaniya Kralı II Abdullah bildirib ki, Qəzza zolağının yenidən qurulması əhali köçürülmədən aparılmalıdır.

“Report” xəbər verir ki, bu barədə Kral Ağ Evdə ABŞ prezidenti Donald Trampla görüşündən sonra özünün X səhifəsində yazıb.

“Görüş zamanı mən İordaniyanın fələstinlilərin Qəzza və İordan çayının qərb sahilindən köçürülməsinə qarşı sarsılmaz mövqeyini bir daha təkrarladım. Bu, ərəb ölkələrinin ortaq mövqeyidir. Hər kəs üçün prioritet Qəzzanın sakinlərini köçürmədən yenidən qurulması, eləcə də zolaqdakı çətin humanitar vəziyyətin həlli olmalıdır”, - deyə o qeyd edib.

Onun sözlərinə görə, İordaniya regionda hamı üçün ədalətli və hərtərəfli sülhə nail olmaq üçün tərəfdaşlarla səmərəli işləməyi davam etdirmək niyyətindədir.

Oxşar xəbərlər

İordaniya Kralı Azərbaycan Prezidentini təbrik edib

ABŞ və İordaniya liderləri Qəzza üzrə razılaşmaya nail olmaq səylərini müzakirə ediblər

İordaniya Kralı Prezident İlham Əliyevə təbrik məktubu göndərib

Von der Leyen İordaniya Kralı ilə görüşüb

KİV: İsrail və İordaniya Suriya ilə bağlı gizli danışıqlar aparıb