Suriya Ordusunun bölmələri ölkənin inzibati mərkəzi olan Hələb şəhərinin şimalında və qərbində (Dəməşqdən 360 km aralıda) 20-dən çox yaşayış məntəqəsini işğal edən “Cəbhət ən-Nusra” ekstremist qruplaşmasının yaraqlılarının mövqelərinə qarşı əks-hücum əməliyyatı keçirib.

"Report"un məlumatına görə, bu barədə Livanın "Al Mayadeen" xəbər yayıb.

Məlumata görə, hökumət qüvvələri əməliyyat zamanı Əl-Bakum şəhərini azad edib. Bundan əvvəl Suriyanın digər bölgələrindən də Hələbə hərbi qüvvələr göndərilib. Dəməşq və Hələbi birləşdirən M-5 beynəlxalq magistral yolunda silahlı dəstələrin hücum təhlükəsi səbəbindən nəqliyyatın hərəkəti dayandırılıb.

Noyabrın 27-də baş verən xain hücum zamanı “Cəbhət ən-Nusra” terrorçuları və onunla müttəfiq olan radikal qruplaşmalar Hələbə təhlükəli şəkildə yaxınlaşaraq, şəhərin 7-10 kilometrliyində bir neçə strateji mövqeni tutublar. Camiat əz-Zəhra, Cdeyda, Əz-Zərb və əl-Mənsurə ətraflarından qaçqın axınları 2016-cı ildə qeyri-qanuni silahlı qruplardan azad edilən şimal paytaxtına axışıb.

Hökumət qüvvələri Hələb yaxınlığındakı cəbhənin bir neçə bölməsində düşmənin irəliləyişinin qarşısını almağa müvəffəq olub, o, itki verib, bir neçə yüz silahlı məhv edilib. Terrorçu dəstələri Anadan, Atarib, Həyyan və Xareytandan şəhərə soxulmağa çalışaraq Neyrab beynəlxalq hava limanına hücum ediblər.

Oxşar xəbərlər

Suriya və Livan sərhədini bir gündə 4,3 mindən çox insan keçib [xfgiven_updateblue][/xfgiven_updateblue]

İsrail HHQ Hələb hava limanına zərbələr endirib [xfgiven_updateblue][/xfgiven_updateblue]

“Hizbullah” İsrail ordusunun mövqelərinə hücum edib [xfgiven_updateblue][/xfgiven_updateblue]

İraq, Suriya və Türkiyədə 19 terrorçu öldürülüb [xfgiven_updateblue][/xfgiven_updateblue]

Sepahın briqada generalı Suriyada silahlı hücumda ölüb [xfgiven_updateblue][/xfgiven_updateblue]