“Qəzza zolağında hər gün orta hesabla 67 uşaq ölür”.

“Report” xəbər verir ki, bu məlumatı “Əl-Cəzirə” telekanalı BMT-nin Fələstinli Qaçqınlara Yardım və İşlər üzrə Agentliyinin əməkdaşı Luiz Uoticə istinadən verib.

Onun sözlərinə görə, yalnız son günlər İsrail ordusu agentliyin iki məktəbinə hücum edib. Nəticədə 17 nəfər həlak olub, çoxlu sayda insan yaralanıb.

Bundan başqa Fələstin anklavının mərkəzi və cənub bölgələrində ehtiyacı olanlara gündəlik 400 minə yaxın yemək paylayan 100-dən çox mətbəxin qida çatışmazlığı səbəbindən bağlanma riski ilə üzləşib. Agentliyin məlumatına görə, dərman və gigiyena vasitələri olan 40-a yaxın yük maşını Qəzzaya daxil olmaq üçün Misir və İordaniya sərhədlərində gözləyir.

Bundan əlavə, agentlik sektorun yaşayış məntəqələrinin küçələrində 42 milyon tondan çox dağıntıların yığıldığını, partlamamış hərbi sursatların və minaların cəmləşməsinin mülki əhali üçün birbaşa təhlükə yaratdığını qeyd edib. Eyni zamanda minatəmizləmə üzrə mütəxəssislərin ölkəyə girişi və təmizləmə işlərinin aparılması xeyli məhdudlaşdırılıb.

Oxşar xəbərlər

Əl-Cəzirə: Qəzzada 20 min insan ölüb

Qəzza zolağında ölən jurnalistlərin sayı açıqlandı

Qəzzada 500-ə yaxın tibb işçisi həlak olub

Qəzza zolağında ölən fələstinlilərin sayı 39,2 min nəfəri keçib

İsrail Ordusu: Qəzzada məktəbdə HƏMAS və "İslami Cihad"ın komandirləri zərərsizləşdirilib