ABŞ Prezidenti Cozef Baydenin Administrasiyası İrana İsrailə yeni hücumdan çəkinməsini tövsiyə edib.

“Sizinxeber.az” xəbər verir ki, bu barədə “Axios” portalı mənbələrə istinadən məlumat yayıb.

"Biz İsraili cilovlaya bilməyəcəyik, növbəti hücumunun əvvəlki kimi dəqiq və məqsədyönlü olacağından əmin ola bilmərik," - portal mənbədən sitat gətirib.

Xəbərdarlıq Vaşinqtondan Tehrana İsveçrə vasitəsilə çatdırılıb.

Xatırladaq ki, 2023-cü il oktyabrın 7-də HƏMAS İsrailin nəzarətində olan ərazilərə hücum edib. Nəticədə aralarında qocalar, qadınlar, uşaqlar da olmaqla 200-dən çox insan girov götürülüb. Buna cavab olaraq İsrail Ordusu Qəzzada hərbi əməliyyatlara başlayıb. Əvvəllər dəfələrlə Qəzzada atəşkəslə bağlı danışıqların dalana dirəndiyi barədə məlumatlar yayılıb. Eyni zamanda, ABŞ, Qətər və Misirin Qəzzada İsrail və HƏMAS üçün yeni atəşkəs təklifinin formalaşdırılması üzərində çalışdığı bildirilib. Lakin bu səylər indiyədək heç bir ciddi dəyişikliyə səbəb olmayıb.

Oxşar xəbərlər

İsrail Livandan 90 raket atəşini qeydə alıb

İsrail ordusu: Livandan uçan PUA ələ keçirilib

İsrail Ordusu: Livandan gün ərzində 65 raket və mərmi atılıb

İsrail Livanda "Hizbullah"ın 65-dən çox yaraqlısını zərərsizləşdirib

Livanda hava hücumları nəticəsində 63 nəfər ölüb