“Serbiya 1999-cu ildə Şimali Atlantika Müqaviləsi Təşkilatının (NATO) bombalanmasının nəticələrini xatırlayır, heç vaxt təşkilata qoşulmayacaq”.

“Report” xəbər verir ki, bunu Serbiya hökumətində beynəlxalq iqtisadi əməkdaşlığa məsul nazir Nenad Popoviç deyib.

O xatırladıb ki, 25 il əvvəl Serbiya sakinləri NATO-nun bombardmanının qurbanı olub və Belqrad tamamilə dağıdılıb.

“Bundan sonra da sizi əmin edirəm ki, Serbiya heç vaxt NATO-nun üzvü olmayacaq. Biz müstəqil və azad siyasət yürüdürük”.

Popoviç qeyd edib ki, Avrointeqrasiyaya baxmayaraq, Serbiya BRİKS ölkələri: Çin, Rusiya, Cənubi Afrika Respublikası, BƏƏ, Səudiyyə Ərəbistanı və başqaları ilə ikitərəfli əlaqələrin inkişafını dayandırmaq istəmir.

Nazir əlavə edib ki, Belqrad, Qərbin təhdidlərinə baxmayaraq Rusiyaya qarşı sanksiyalara qoşulmayacaq.

Oxşar xəbərlər

Serbiya nüvə enerjisi üzrə tədqiqatlara qoyulan moratoriumu ləğv edə bilər

Serbiya klubunun yeni baş məşqçisi müəyyənləşib

Vuçiç: Serbiyada heç vaxt zorakılıqla hakimiyyət dəyişikliyi olmayacaq