Cənubi Afrika Respublikasını cənubunda yerli könüllü dəstəsinin üzvü olan 6 nəfər öldürülüb.

“Report” xəbər verir ki, bu barədə Şərqi Keyp əyalətinin polis sözçüsü Majola Nkohli məlumat verib.

Belə ki, oktyabrın 7-nə keçən gecə tüfəng və tapança ilə silahlanmış səkkiz nəfərdən ibarət qrup Qodini kəndindəki orta məktəb binasının içərisində olan patrul dəstəsinə hücum edib.

Hücumda altı könüllü öldürülüb, daha dörd nəfər yaralanıb. Polis cinayəti törətməkdə şübhəli bilinən şəxslərin kimliyini müəyyən edib.

İlkin məlumata görə, hücum edənlər mal-qara oğurluğu ilə məşğul olan dəstənin üzvləri ola bilərlər.

“Yerli Demokratik Alyans” partiyasının məlumatına görə, 2024-cü ildə ölkədə hər gün orta hesabla 75 qətl hadisəsi baş verir.

Oxşar xəbərlər

Şəmkirdə qətl törətməkdə şübhəli bilinən şəxs saxlanılıb

Cari ildə ABŞ-də polis 739 nəfəri öldürüb

Cari ildə ABŞ-də polis 836 nəfəri öldürüb

ABŞ-da yeniyetmə dörd nəfəri güllələyərək öldürüb