ABŞ Ticarət Nazirliyi milli təhlükəsizlik baxımından Amerika yollarında internetə qoşulan avtomobillərdə Çinin proqram və avadanlıqlarının istifadəsini qadağan etmək niyyətində olduğunu açıqlayıb.

“Report” xəbər verir ki, bu barədə qurumun yazılı bəyanatında deyilir.

Qeyd olunur ki, fevralda Ağ Ev araşdırma aparılmasına dair göstəriş verib, araşdırmalardan sonra isə səlahiyyətlilər Çinin avtomobil sistemində quraşdırılmış proqram təminatından istifadə edərək amerikalı sürücülər və infrastruktur haqqında məlumatların toplanması, həmçinin avtomobil və naviqasiya sisteminin potensial manipulyasiyası ilə bağlı narahatlığını bildiriblər.

Bu qərar demək olar bütün Çin avtomobillərinin ABŞ bazarına daxil olmasını qadağan edəcək, həmçinin Çin avtomobil istehsalçılarının Birləşmiş Ştatların yollarında pilotsuz avtomobilləri sınaqdan keçirməsinə mane olacaq.

Məlumata görə, təklif 2027-ci ildən proqram təminatına qadağa qoyulmasını nəzərdə tutur, texniki təchizata yasaq isə 2029-cu ilin yanvarından qüvvəyə minəcək. Qərar gələn il yanvarın 20-dək yekun təsdiqini tapacaq.

Xatırladaq ki, sentyabrın əvvəlində rəsmi Vaşinqton Çinin elektrik avtomobillərinə, onlar üçün akkumulyatorlara yüksək gömrük rüsumları tətbiq edib.

Oxşar xəbərlər

SEPAH üzvlərinə rabitə cihazlarından istifadə etmək qadağan edilib

Çinin avtomobil nəhəngi öz peyk şəbəkəsini yaradır

Bayden Çinin elektrik avtomobillərinə idxal tariflərini dörd dəfə artırmağı planlaşdırır

ABŞ İran və Çinin 12 vətəndaşına qarşı sanksiya tətbiq edib

KİV: “TikTok”un qadağan edilməsi Baydenin gənclər arasında dəstəyini zəiflədəcək