Türkiyədə fabrikdə yanğın olub - FOTO

Türkiyədə İstanbul şəhərinin Tuzla bölgəsində tikinti materiallarına aid fabrikdə yanğın olub.

APA TRT Haber-ə istinadən xəbər verir ki, baş verən yanğın söndürülüb.

Təxminən 1000 kvadratmetr sahəyə malik saxlama və istehsalat obyektində naməlum səbəbdən yanğın baş verib.

Xəbərdarlığın ardından bölgəyə yanğınsöndürənlər, polis və sağlamlıq qrupları sövq edilib.

Qapalı ərazidə başlayan və anbar sahəsindəki altlıqlara keçən yanğın ətraf rayonlardan gələn yanğınsöndürənlərin köməkliyi ilə təxminən 1 saatlıq işdən sonra söndürülüb.

Yanğın nəticəsində fabrikə ziyan dəyib.