Gürcüstanın Ədliyyə Nazirliyinin 500-dən çox əməkdaşı hakim “Gürcü Arzusu”nun Avropa İttifaqına qoşulma prosesini dayandırmasını qınayan bəyanat imzalayıb.

Sizinxeber.az-nın Tbilisi bürosu xəbər verir ki, bəyanatda Ədliyyə Nazirliyinin əməkdaşlarının Avropaya inteqrasiya və viza rejiminin liberallaşdırılması prosesinə mühüm töhfə verdiyi və buna görə də bu prosesin dayandırılmasının onlar üçün “çox ağrılı” olduğu qeyd edilib.

“Gürcüstan Ədliyyə Nazirliyinin publik hüquqi şəxs olan Ədliyyə evinin əməkdaşları bəyan edirlər ki, Gürcüstanın Avropaya inteqrasiyasının dayandırılması siyasi zövq məsələsindən kənara çıxır. Bu, açıq şəkildə Gürcüstan Konstitusiyasına və ölkəmizin əhalisinin əksəriyyətinin bəyan etdiyi məqsədə ziddir. Ədliyyə Palatasının əməkdaşları Avropaya inteqrasiya və viza rejiminin liberallaşdırılması prosesinə mühüm töhfə veriblər. Ona görə də bu prosesi dayandırmaq bizim üçün çox ağrılıdır. Biz inanırıq ki, Avropa və Avro-Atlantik inteqrasiya ölkəmizin təhlükəsizliyini və suverenliyini, parlaq gələcəyini möhkəmləndirməyin yeganə yoludur! Biz Gürcüstana xidmət edirik və onun konstitusiyasını qeyd-şərtsiz qoruyuruq!” – deyə bəyanatda deyilir.

Oxşar xəbərlər

Gürcüstanın Bolqarıstandakı səfiri etirazçılarla həmrəylik nümayiş etdirmək məqsədilə istefa verib

Veymar Üçbucağı: Gürcüstanın Aİ-yə üzvlük prosesinin de-fakto dayandırılmasına təəssüflənirik

Noyabrın 25-də Gürcüstanın 11-ci çağırış parlamentində ilk iclas keçiriləcək

Gürcüstan XİN hakim partiyanın Aİ ilə üzvlük danışıqlarını dayandırmaq qərarını qınayıb

Azərbaycanla Gürcüstan arasında probasiya sahəsində əməkdaşlıq müzakirə edilib - FOTO