Qəzza zolağında baş verən toqquşmalarda iki İsrail hərbçisi həlak olub

İsrail ordusu Qəzza zolağında baş verən qarşıdurmalarda bir zabit və bir əsgər olmaqla iki hərbçisini itirib.

APA xəbər verir ki, bu haqda "Yedioth Ahronoth" qəzeti məlumat yayıb.

Məlumatda qeyd olunub ki, Qəzzanın şərqindəki Şücaiyyə qəsəbəsində baş verən qarşıdurmada taqım komandiri vəzifəsini icra edən kapitan İdo Voloç və sərhəd polisində xidmət edən Neta Kahana adlı əsgər həlak olublar.

Toqquşmalarda həmçinin azı 3 İsrail əsgərinin yaralandığı bildirilib.