Səudiyyə Ərəbistanı HƏMAS-ın Siyasi Bürosunun rəhbəri İsmayıl Haniyənin Tehrana səfəri zamanı öldürülməsinin İranın suverenliyinin açıq şəkildə pozulması olduğunu və regional sülh və təhlükəsizliyə təhdid olduğunu bəyan edib.

Sizinxeber.az xəbər verir ki, Səudiyyə Ərəbistanının xarici işlər nazirinin müavini Vəlid əl-Hüreyci İslam Əməkdaşlıq Təşkilatının (İƏT) Səudiyyə Ərəbistanının Ciddə şəhərində keçirilən iclasında İsrailin Fələstin xalqına qarşı hücumları və İranın suverenliyini pozmasını müzakirəyə çıxarıb.

əl-Hürayci bəyan edib ki, Ər-Riyad rəhbərliyi İsrailin Fələstin torpaqları daxilində və xaricində Fələstin xalqına qarşı açıq-aşkar hücumları və qeyri-qanuni əməliyyatları səbəbilə Fələstin ərazilərində artan hadisələrin ciddiliyinin fərqindədir.

O həmçinin qeyd edib ki, HƏMAS lideri Haniyənin Tehrana səfəri zamanı öldürülməsi İranın suverenliyi, ərazi bütövlüyü, milli təhlükəsizliyi, beynəlxalq hüququn açıq şəkildə pozulmasıdır və regional sülh və təhlükəsizliyə təhdiddir.

Oxşar xəbərlər

Netanyahu Səudiyyə Ərəbistanı ilə münasibətlərin normallaşmasını dayandırıb

İran XİN: Haniyənin qanı hədər getməyəcək

İran XİN: BMT TŞ susduğuna görə, İsrailə cavab verməkdən başqa yolumuz yoxdur

Pezeşkian Haniyənin qətli ilə bağlı paylaşım edib

İran XİN: Haniyənin qanı yerdə qalmayacaq