Türkiyə Prezidenti Rəcəb Tayyib Ərdoğan və Ermənistanın baş naziri Nikol Paşinyan telefonla iki ölkə arasındakı münasibətləri və regional məsələləri müzakirə ediblər.

Sizinxəbər.Az xəbər verir ki, bu barədə Ermənistan KİV məlumat yayıb.

Qeyd olunur ki, Paşinyan Türkiyə prezidentini Qurban bayramı münasibətilə təbrik edib.

Öz növbəsində Türkiyə prezidenti Paşinyanı 2026-cı ilin yazında Ermənistanda Avropa Siyasi Birliyinin sammitinin keçirilməsi münasibətilə təbrik edib.

Tərəflər Ermənistan-Türkiyə münasibətləri və regionla bağlı məsələləri müzakirə ediblər. Dialoqun davam etdirilməsi ilə bağlı razılıq əldə olunub.

Xatırladaq ki, Ərdoğanla Paşinyan arasında sonuncu telefon danışığı 2024-cü ilin iyununda baş tutub.