Fələstinin radikal HƏMAS hərəkatının hücumunda həlak olmuş 11 nəfərin ailələri oktyabrın 7-də törədilmiş hücumun səbəbkarlarını “insanlığa qarşı cinayət”də ittiham edərək Beynəlxalq Cinayət Məhkəməsinə (BCM) şikayət edib.

“Report” xəbər verir ki, bu barədə onların maraqlarını təmsil edən vəkil Fransua Zimere açıqlama alan CNN telekanalı məlumat yayıb.

“Söhbət soyqırımı planının həyata keçirilməsindən gedir, həqiqəti müdafiə etmək lazımdır, bu vəhşiliklər bilinməlidir, onlar kollektiv yaddaşa həkk olunmalıdır”, – hüquqşünas deyib.

Vəkil əmindir ki, HƏMAS öz hərəkətlərini “geniş şəkildə sənədləşdirib və yayımlayıb”, buna görə də “faktlar mübahisə edilə bilməz”.

Televiziya şirkəti qeyd edib ki, hüquqşünas həmçinin “HƏMAS liderləri üçün beynəlxalq həbs orderinin verilməsinin mümkünlüyünü öyrənməyi” tələb edib.

Oxşar xəbərlər

HƏMAS silahlıları ilə toqquşmalarda İsrailin 44 hərbçisi həlak olub

İsrailə buna görə hücum edilib - Blinken AÇIQLADI

Dövlət Departamenti: HƏMAS xəstəxanaları komanda məntəqəsi kimi istifadə edir

ABŞ Zeynalova ilə bağlı qərar verdi

Vaqif Xaçatryanın növbəti məhkəməsi başlayır