Bloomberg: İsveçin NATO-ya daxil olması, Rusiyanın potensial hücumundan alyansı müdafiə etmək planlarını hazırlayan hərbi planlaşdırıcılar üçün vacib problemi - qoşunları, silahları və digər ləvazimatları Baltikdən Arktikaya qədər istənilən yerə sürətlə necə çatdırılması məsələsini həll etməyə kömək edə bilər.

Aylarla gecikmələrdən sonra İsveçin üzvlüyü üçün yaşıl işığı yanması Şimali Atlantika Müqaviləsi Təşkilatının Rusiyanı əsas təhlükə kimi müəyyən edən kompleks müdafiə planlarına, nəhayət, daxil edilə biləcəyi deməkdir.

Rusiya qoşunlarının Ukraynaya yenidən hücuma keçməsi səbəbindən bu addım getdikcə aktuallaşır. Rusiya prezidenti Vladimir Putinin ekspansionist ambisiyaları aydın olduğu üçün Avropa rəsmiləri yaxın bir neçə il ərzində NATO-ya hücum ehtimalı barədə xəbərdarlıq etməyə başlayıblar.

“Biz bilirik ki, şərq qonşumuz son dərəcə gözlənilməzdir və təəssüf ki, çox aqressivdir”, – Finlandiyanın xarici işlər naziri Elina Valtonen müsahibəsində deyib. “Lakin İsveç bilir və biz də İsveçə deyirik ki, NATO üzvləri olaraq biz birlikdə daha güclüyük”.

Onilliklərlə üzv olmayan İsveç və Finlandiya, Kremlin 2022-ci ildə Ukraynaya genişmiqyaslı müdaxiləsindən aylar sonra NATO-ya üzv olmaq üçün müraciət etdilər.

Aprel ayında Finlandiya alyansa üzv oldu, İsveç isə Türkiyə və Macarıstandan asılı vəziyyətdə qaldı.

Budapeşt İsveçin üzvlüyünü dəstəkləyən 31 müttəfiqdən sonuncusu idi və parlament bu qərarı fevralın sonlarında iki ölkə Macarıstana əlavə dörd İsveç “Gripen” qırıcı təyyarəsi vermək barədə razılığa gəldikdən sonra imzaladı.

Cümə axşamı qalan sənədlərin təqdim edilməsi ilə İsveçin NATO-ya daxil olması başa çatıb. Bazar ertəsi NATO-nun Brüsseldəki qərargahında onun bayrağı qaldırılacaq./turan.az

Oxşar xəbərlər

Orban: Parlament yaz sessiyasının əvvəlində İsveçin NATO-ya daxil olmasına baxacaq [xfgiven_updateblue][/xfgiven_updateblue]

Türkiyə parlamenti sabah İsveçin NATO-ya üzvlüyü ilə bağlı səsvermə keçirəcək [xfgiven_updateblue][/xfgiven_updateblue]

Ərdoğanın müşaviri: İsveç NATO-ya üzv olmaq üçün ciddi addımlar atıb [xfgiven_updateblue][/xfgiven_updateblue]

Macarıstan prezidenti İsveçin NATO-ya daxil olması haqqında sazişin ratifikasiyasını imzalayıb [xfgiven_updateblue][/xfgiven_updateblue]

Ankara və Stokholm İsveçin NATO üzvlüyünün ratifikasiyasını müzakirə edib [xfgiven_updateblue][/xfgiven_updateblue]