Ümumi götürdükdə, hər şey gözlədiyimiz və planlaşdırdığımız kimi keçdi.

"Report" xəbər verir ki, bunu "Araz-Naxçıvan"ın baş məşqçisi Elmar Baxşıyev "Mingəçevir"ə qarşı Azərbaycan Kubokunun 1/8 final mərhələsinin oyunundan sonra baş tutan mətbuat konfransında deyib.

44 yaşlı çalışdırıcı qalib gəldikləri üçün sevincli olduqlarını bildirib:

"Ümumi götürdükdə, hər şey gözlədiyimiz və planlaşdırdığımız kimi keçdi. Daha çox ehtiyatda qalan, çempionat matçlarında az oynamaq şansı qazanan futbolçuları meydana buraxdıq. Heyətimizdə perspektiv vəd edən gənclər var. Sadəcə onlar çox işləməlidir. Kubokda növbəti rəqib barəsində yox, çempionatda həftəsonu qarşılaşacağımız "Səbail"lə görüşü fikirləşirik. Bütün diqqətimizi, həmin oyuna yönəltmişik".

Qeyd edək ki, "Mingəçevir"ə 3:1 hesabı ilə qalib gələn "Araz-Naxçıvan" Azərbaycan Kubokunda 1/4 finala yüksəlib.

Oxşar xəbərlər

"Araz-Naxçıvan"ın baş məşqçisi: "Futbolçular da istəyir ki, azarkeşlər önündə oynasınlar"

Azərbaycan Kuboku: "Araz-Naxçıvan" 1/4 finala vəsiqə qazanıb

"Araz-Naxçıvan"ın baş məşqçisi: "Komanda stress altında oynamağı bacarmalıdır"

Şahin Diniyev: "Çox bəsit qollar buraxdıq"

"Araz-Naxçıvan"ın baş məşqçisi: "Ehtiyat qüvvədən maksimum istifadə etməyə çalışdıq"