Hədəfimiz yenidən Superliqaya vəsiqə qazanmaqdır.

"Sizinxeber.az" "NTV Spor"a istinadən xəbər verir ki, bunu Türkiyənin "Ankaragücü" klubunda çıxış edən Azərbaycan millisinin futbolçusu Renat Dadaşov deyib.

25 yaşlı hücumçu komanda yoldaşları ilə birlikdə bu məqsəd üçün mübarizə aparacaqlarını bildirib: "Şanlıurfaspor"la ilk turun matçında (2:0) qol vurmaq mənə ruh yüksəliyi verdi. Bütün diqqətimizi "Ərzurumspor"a qarşı növbəti görüşə yönəldəcəyik. Bu oyunda da qalib gəlmək üçün əlimizdən gələni edəcəyik".

Forvard 1-ci Liqa təmsilçisinə keçidi barədə də danışıb: "Ankaragücü" böyük klubdur. Şəhər də çox gözəldir. Bütün bunlar buraya gəlməyimə səbəb oldu".

Qeyd edək ki, Renat Dadaşov avqustun 8-də paytaxt təmsilçisi ilə 2 illik müqavilə imzalayıb.

Oxşar xəbərlər

Türkiyə klubunda ilk qolunu vuran Renat Dadaşov: Mövsümə əla başladıq

Renat Dadaşovun komanda yoldaşı yoxa çıxıb

Azərbaycan millisinin futbolçusu Türkiyə klubu ilə anlaşıb

Türkiyə klubu Azərbaycan millisinin futbolçusunu icarəyə götürmək istəyir

Azərbaycanlı gimnast: Məqsədim qarşıdakı olimpiadaya vəsiqə qazanmaqdır