Konfrans Liqası: Azərbaycan klublarının III təsnifat mərhələsindəki oyunlarının başlama saatı bəlli olub

Azərbaycan klublarının UEFA Konfrans Liqasının III təsnifat mərhələsində keçirəcəyi oyunların başlama saatı bəlli olub.

"Report" xəbər verir ki, bu barədə UEFA-nın rəsmi saytı məlumat yayıb.

"Araz-Naxçıvan"ın Kiprin "Omoniya" komandası ilə Bakıdakı görüşü avqustun 7-də, saat 20:00-da start götürəcək. Səfərdəki cavab matçı avqustun 14-də, saat 21:00-da başlayacaq.

"Sabah"ın Bolqarıstanda "Levski" (Sofiya) kollektivi ilə ilk oyunu avqustun 7-də, Bakı vaxtı ilə saat 22:00-da, avqustun 14-dəki cavab görüşü isə saat 20:00-da start götürəcək.