Yeni mövsümə hazırlıqlarını Türkiyədə davam etdirən "Zirə" bu gün növbəti yoxlama matçını keçirib.

"Sizinxeber.az" xəbər verir ki, Rəşad Sadıqovun baş məşqçisi olduğu komanda İordaniyanın “Əl-Hüseyn” klubu ilə qüvvəsini sınayıb.

Fanatik Tur Meydançalarında baş tutan qarşılaşmada "Zirə" rəqibini məğlub edib -1:0.

Yeganə qolu 45-ci dəqiqədə Brahim Konate vurub.

Komanda daha əvvəl Bakıda “Qarabağ”a qarşı keçirdiyi yoxlama matçında 0:4 hesabı ilə uduzub. Türkiyədə isə “Ankara Keçiörengücü”ndən üstün olub - 2:1.

Qeyd edək ki, "Zirə" UEFA Konfrans Liqasının II təsnifat mərhələsində "Hayduk"la üz-üzə gələcək. Komandalar arasında ilk matç iyulun 23-də, saat 19:30-da "Bakcell Arena"da cavab görüşü isə 31-də, Bakı vaxtı ilə saat 23:00-da “Polyud Stadium”da start götürəcək.

Oxşar xəbərlər

"Zirə" bu gün İordaniya klubu ilə qüvvəsini sınayacaq

“Zirə” növbəti yoxlama matçını bu gün keçirəcək

"Qarabağ" bu gün yoxlama oyununda "Zirə" ilə üz-üzə gələcək

"Zirə" Türkiyə klubunu məğlub edib

"Qarabağ" yoxlama görüşündə "Zirə"yə qalib gəlib