Özbəkistanlı boksçu, Paris Yay Olimpiya Oyunlarının qalibi Lazizbek Mullacanov dopinq testindən keçə bilməyib.

"Report" xəbər verir ki, bu barədə "Reuters" məlumat yayıb.

26 yaşlı idmançının dopinq testi metasteron - əzələ kütləsinin sürətli artımına, həmçinin dözümlülük və fiziki gücün artmasına kömək edən sintetik anabolik steroid - üçün müsbət nəticə verib.

Mullacanovdan nümunə iyunun 11-də götürülüb. İndi onun B nümunəsinin analizini tələb etmək hüququ var. B nümunəsinin nəticəsi birinci nümunənin məlumatlarını təsdiqləsə, idmançı antidopinq qaydalarının pozulmasına görə diskvalifikasiya ediləcək.

Qeyd edək ki, L.Mullacanov Paris-2024-də 92 kq çəki dərəcəsində qızıl medal qazanıb.

Oxşar xəbərlər

Dopinq testlərindən yayınan Olimpiya mükafatçısı iki illik diskvalifikasiya olunub

Olimpiada iştirakçılarının təxminən dörddə biri dopinq testi verib

Olimpiada iştirakçılarının təxminən 1/4-i dopinq testi verib

Ukraynalı olimpiya çempionu diskvalifikasiya edilib

İsrail idmançısı iki il müddətinə diskvalifikasiya edilib