EYOF-da iştirak edəcək Azərbaycan idmançıları Şimali Makedoniyaya yola düşüblər

XVIII Avropa Gənclər Yay Olimpiya Festivalinda (EYOF) iştirak edəcək Azərbaycan idmançıları və nümayəndə heyəti Şimali Makedoniyaya yola düşüb.

Bu barədə "Sizinxeber.az"a Milli Olimpiya Komitəsinin mətbuat xidmətindən məlumat verilib.

Azərbaycan festivalda 10 idman növündə 52 (28 oğlan, 24 qız) idmançı ilə təmsil olunacaq.

Qeyd edək ki, festivalın açılış mərasimi iyulun 20-də Yan Sandanski İdman Mərkəzində keçiriləcək. Yarış iyulun 20-dən 26-dək iki ölkədə - Şimali Makedoniya və Xorvatiyada təşkil ediləcək.