Türkiyə Superliqasında 10-cu turun oyunları keçirilir.

Sizinxəbər.Az xəbər verir ki, turnirin son qalibi "Qalatasaray" öz meydanında "Göztepe"ni qəbul edib.

Hesabı 6-cı dəqiqədə qonaqlar açsalar da, "aslanlar" 19-cu dəqiqədə Osimhenin dəqiq zərbəsi ilə tarazlığı bərpa ediblər.

İlk hissənin sonlarında "Göztepe" azlıqda qalıb. Okan Burukun yetirmələri say üstünlüyündən yararlanaraq daha iki qol vurublar (Sara 63, İkardı 66) - 3:1.

Hazırda "cim-bom" 28 xalla yarış cədvəlinin zirvəsindədir. Onun rəqibi isə 16 xalla 5-ci sırada qərarlaşıb.