Lənkəranda çağırışa gedən Təcili Tibbi Yardım avtomobili qəzaya uğrayıb.

Sizinxeber.az-nın cənub bürosunun verdiyi xəbərə görə hadisə axşam saatlarında, köhnə Ələt-Astara magistralında, Lənkəran rayonunun Gərmətük qəsəbə ərazisində baş verib.

Belə ki, rayonun Aşağı Nüvədi kəndindən çağırış olub. Əraziyə yaxın olan Şürük kənd Təcili və Təxirəsalınmaz Tibbi Yardım briqadası həmin ünvana çıxış edib.

Tibbi yardım avtomobili Gərmətük kəndi ərazisində hərəkətdə olarkən "Mercedes" markalı minik avtomobili tibbi yardım avtomobilinə çırpılıb.

Qəza nəticəsində Təcili Tibbi Yardım avtomobilində olan tibb bacısı və həkim xəsarət alaraq Lənkəran rayon mərkəzi xəstəxanasının təcili tibbi yardım şöbəsinə hospitalizasiya olunublar. Xəsarət alanlara ilkin tibbi yardım göstərilib.

Qeyd edək ki, iki gün bundan əvvəl də Astaradan Lənkərana xəstə gətirən Təcili Tibbi Yardım avtomobili Lənkəranda qəzaya uğramışdı.

Faktla bağlı araşdırma aparılır.

Oxşar xəbərlər

Lənkəranda Təcili Tibbi Yardım avtomobili qəzaya uğrayıb, yaralılar var - FOTO

Lənkəranda təcili yardım maşını qəzaya uğrayıb, yaralılar var - FOTO

Lənkəranda baş verən qəzada 3 nəfər xəsarət alıb - FOTO

Lənkəranda yol qəzası olub, xəsarət alanlar var

Lənkəranda baş verən qəzada iki nəfər xəsarət alıb - FOTO