Masallıda minik maşını mikroavtobusla toqquşub, 2 nəfər xəsarət alıb

Masallıda minik avtomobili ilə mikroavtobus toqquşub.

APA-nın cənub bürosunun verdiyi xəbərə görə, yol-nəqliyyat hadisəsi Masallı rayonunun Təzə Alvadı kəndində baş verib. "Ford Transit" markalı mikroavtobusla "Kia" markalı minik avtomobili toqquşub. Nəticədə iki nəfər müxtəlif dərəcəli bədən xəsarətləri alıb. Onlar təcili tibbi yardım avtomobili ilə Masallı Rayon Mərkəzi Xəstəxanasına hospitalizasiya olunublar.

Faktla bağlı araşdırma aparılır.