Bu günə qədər Azərbaycanda 14 müəssisə “HALAL” sertifikatı almaq üçün müraciət edib.

“Report” xəbər verir ki, bu barədə Azərbaycan Qida Təhlükəsizliyi İnstitutu (AQTİ) məlumat yayıb.

Bu günə qədər “OIC/SMIIC-1:2019 Halal qidaya dair ümumi tələblər” standartı üzrə 4 müəssisəyə 5 istiqamət üzrə AQTİ-nin “HALAL” sertifikatı təqdim olunub.

Ümumilikdə isə 14 müəssisə sertifikat almaq üçün müraciət edib.

Qeyd edək ki, “HALAL” sertifikatlaşma - qida məhsullarının islam qaydalarına uyğun istehsalını təsdiqləyən xidmət növüdür. Sertifikat əldə etmək istəyən müəssisələr bir-neçə mərhələdən keçməlidir. “HALAL” sertifikatlaşma prosesi 4 kateqoriya üzrə aparılır. Bu kateqoriyalar iri və xırdabuynuzlu heyvanlarla quşların kəsimini, balıq məhsullarının emalını, süd və süd məhsullarını, eyni zamanda emal olunmuş ət məhsullarını əhatə edir. Tələblərə cavab verən müəssisəyə etibarlılıq müddəti 3 il olan “HALAL” uyğunluq sertifikatı təqdim edilir.

Oxşar xəbərlər

Daha 6 qida subyekti “HALAL” sertifikatlaşma ilə bağlı müraciət edib

Azərbaycanda 5 müəssisəyə “Halal” uyğunluq sertifikatı təqdim olunub

Azərbaycanda “Halal” sertifikatlarının təqdim edilməsinə başlanılır

AZSTANDART: Məhsulların üzərindəki halal işarəsinin heç bir hüquqi və texniki əsası yoxdur

İlham Bayramov: "Azərbaycan məhsullarına verilən "Halal" sertifikatları dünya miqyasında tanınacaq"