Böyük Britaniya və Portuqaliyadan olan beynəlxalq alimlər qrupu sübut edib ki, ev itləri və pişikləri sahiblərinə antibiotikə davamlı enterobakteriyaları yoluxdura bilər.

“Sizinxeber.az” xəbər verir ki, tədqiqat Avropanın Klinik Mikrobiologiya və yoluxucu xəstəliklər Cəmiyyətinin (ESCMID) qlobal Konqresində təqdim olunacaq.

Məlumata görə, dərmana davamlı bakterial infeksiyalar hər il dünyada 1,2 milyon ölümlə nəticələnir.

Komanda nəcis və sidik nümunələrini ənənəvi antibiotik müalicəsinə davamlı mikroblar üçün sınaqdan keçirib. Elmi işdə Böyük Britaniya və Portuqaliyadan olan 65 heyvan və 133 nəfər iştirak edib. Nəticələr göstərib ki, Portuqaliyada ev heyvanlarının 55,8 %-i və sahiblərinin 35% - i üçüncü nəsil sefalosporin antibiotiklərinə qarşı davamlı bakteriya daşıyıcısıdır.

Həmçinin, bir it və sahibinin dərmana davamlı klebsiel sətəlcəminin eyni ştammına malik olduğu müəyyən edilib.

Britaniyada ev heyvanlarının 36,4 %-də və sahiblərinin 12,5 %-də güclü bakteriyalar aşkarlanıb.

Tədqiqatda iştirak edən bütün heyvanlar infeksiyalardan sağalmağa nail olub. İnsanlar patogenlərin daşıyıcısı olduqları üçün müalicəyə ehtiyac duymayıblar.

Alimlər bildiriblər ki, bakteriyalar ev heyvanları ilə insanlar arasında toxunma və ya öpüşmə yolu ilə və nəcisin təmizlənməsi yolu ilə yayıla bilər. Yoluxmanın qarşısını almaq üçün tədqiqatçılar sahiblərinə bir it və ya pişiyi sığalladıqdan sonra və tullantıları atdıqdan sonra əllərini yumaq da daxil olmaqla gigiyena qaydalarına riayət olunmasını tövsiyə ediblər.

Oxşar xəbərlər

Blinken Zelenski ilə görüşüb, Ukraynaya dəstəyin davamlı olacağını bildirib

Britaniya Parlamentində Azərbaycanla Ermənistanın birgə bəyanatına dəstək ifadə olundu

Alimlərdən Kanada və ABŞ-nin əraziləri, həmçinin əhalisi ilə bağlı qorxunc proqnoz

Ərdoğan: Qarabağda işğala son qoyulması ilə bölgədə davamlı sülh üçün tarixi bir fürsət pəncərəsi açıldı

TƏBİB-dən koronavirusun yeni variantı ilə bağlı əhaliyə CİDDİ XƏBƏRDARLIQ