Azərbaycanın xarici işlər naziri Ceyhun Bayramov İraqa səfəri çərçivəsində həmkarı Fuad Hüseyni Ermənistan-Azərbaycan münasibətlərinin normallaşması prosesi barədə məlumatlandırıb.

“Sizinxeber.az” xəbər verir ki, bu barədə C.Bayramov bu gün Fuad Hüseynlə birgə mətbuat konfransında bildirib.

"Mən cənab Hüseyni Azərbaycanın öz ərazi bütövlüyünü və suverenliyini bərpa etməsindən sonra regionda münaqişədən sonrakı vəziyyət, xüsusilə yüz minlərlə keçmiş məcburi köçkünün öz doğma torpaqlarına qayıtması üçün göstərilən səylər barədə məlumatlandırdım. Biz həmçinin ərazilərin minalardan təmizlənməsi istiqamətində görülən tədbirləri müzakirə etdik, çünki minaların mövcudluğu əhalinin qayıtması üçün ciddi maneə olaraq qalır", - Azərbaycan XİN başçısı qeyd edib.

O əlavə edib ki, söhbət zamanı Bakı və İrəvan arasında münasibətlərin normallaşması ilə bağlı məsələlərin tam spektri müzakirə olunub.

"Biz sülh sazişinin mətninin razılaşdırılması istiqamətində əldə edilmiş irəliləyişin vacibliyini vurğuladıq. Bununla yanaşı, həll olunmamış məsələlər, xüsusilə də Ermənistan Konstitusiyasında Azərbaycana qarşı ərazi iddialarının mövcudluğu məsələsi qalır", - C.Bayramov bəyan edib.

Oxşar xəbərlər

Ceyhun Bayramov Hakan Fidanı Azərbaycan – Ermənistan sülh prosesinin cari vəziyyəti ilə bağlı məlumatlandırıb [xfgiven_updateblue][/xfgiven_updateblue]

Ceyhun Bayramov sloveniyalı həmkarını Ermənistanla sülh prosesi barədə məlumatlandırıb [xfgiven_updateblue][/xfgiven_updateblue]

BMT-də Ermənistanın sürətli silahlanması diqqətə çatdırılıb - YENİLƏNİB [xfgiven_updateblue][/xfgiven_updateblue]

Ceyhun Bayramov III Avropa Azərbaycanşünaslıq Konfransında çıxış edib [xfgiven_updateblue][/xfgiven_updateblue]

Ceyhun Bayramov səudiyyəli həmkarını Ermənistanla normallaşma prosesi barədə məlumatlandırıb [xfgiven_updateblue][/xfgiven_updateblue]