Azərbaycanın Niderlanddakı səfiri, ölkənin Kimyəvi Silahların Qadağan Olunması Təşkilatı (KSQT) yanında daimi nümayəndəsi Məmməd Əhmədzadə etimadnaməsini qurumun baş direktoru Fernando Ariasa təqdim edib.

“Report” xəbər verir ki, bu barədə azərbaycanlı diplomat “X”dəki səhifəsində paylaşım edib.

“Mən Azərbaycanın daimi nümayəndəsi kimi etimadnaməmi KSQT-nin baş direktoru Fernando Ariasa təqdim etmək şərəfinə nail oldum. Mərasim Azərbaycan ilə KSQT arasında əməkdaşlıq sahələrinə dair fikir mübadiləsi ilə müşayiət olunub”, - deyə o qeyd edib.

Xatırladaq ki, M.Əhmədzadə Azərbaycan Prezidenti İlham Əliyevin 20 dekabr 2024-cü il tarixli sərəncamı ilə Haaqada səfir təyin edilib.

Oxşar xəbərlər

Azərbaycan səfiri Niderland kralına etimadnaməsini təqdim edib

Yeni təyin olunmuş səfir Niderlanddakı Azərbaycan icmasının üzvləri ilə görüşüb

Azərbaycanın BMT-dəki daimi nümayəndəsi QH-nin nazirlər görüşünü uqandalı həmkarı ilə müzakirə edib

Azərbaycanın BMT-dəki daimi nümayəndəsi türkiyəli həmkarı ilə görüşüb

Azərbaycanın Niderlanda yeni təyin olunmuş səfiri macarıstanlı həmkarı ilə görüşüb