Azərbaycan Dayanıqlı İnkişaf Gündəliyinin, eləcə də Dayanıqlı İnkişaf Məqsədlərinin (DİM) həyata keçirilməsində irəliləyişlərin sürətləndirilməsinə sadiqliyini nümayiş etdirir.

Bunu “Sizinxeber.az”a müsahibəsində BMT-nin Azərbaycandakı rezident-əlaqələndiricisi Vladanka Andreyeva deyib.

“Ötən ilin sentyabrında keçirilən DİM Sammitində Azərbaycan DİM-ə nail olmaq üçün öz ambisiyalarını və öhdəliklərini təsdiqləyən 40 ölkədən biri olub. Yüksək səviyyəli siyasi öhdəlik bir sıra göstəricilər üzrə əhəmiyyətli irəliləyişlərə səbəb olub”, - o bildirib.

V.Andreyeva vurğulayıb ki, BMT-nin Asiya və Sakit okean üzrə İqtisadi və Sosial Komissiyası (UNESCAP) tərəfindən 2015-2023-cü illər üzrə aparılmış DİM-in tərəqqisinin təhlilinə əsasən, Azərbaycan DİM indikatorlarının 61-i üzrə irəliləyiş nümayiş etdirib: “Birgə səylər və investisiyalar məqsədlərə çatmaq yolunda irəliləyişi daha da sürətləndirməyə kömək edə bilər”.

Onun sözlərinə görə, Azərbaycan DİM-ə nail olmaq üzrə irəliləyişin dördüncü könüllü milli icmalını hazırlayır: “Biz Laos Xalq Demokratik Respublikası ilə işləyirik, çünki Azərbaycandan öyrənmək istəyən ölkələr də var, Laosdan olan nümayəndə heyəti artıq burada olub. Laos Azərbaycan hökumətinin DİM-ə nail olmaqda necə irəliləyiş əldə etdiyini və könüllü milli icmalın hazırlanmasındakı təcrübəsini öyrənmək istəyir”.

BMT-nin rezident-əlaqələndiricisi vurğulayıb ki, bu, regional və beynəlxalq dayanıqlı inkişaf platformalarında Azərbaycanın liderliyinin daha bir gözəl nümunəsidir, əldə olunan uğurları, çətinlikləri və dərsləri bölüşməyə, həmçinin qarşılıqlı öyrənməyə kömək etməyə imkan verir.

Oxşar xəbərlər

BMT nümayəndəliyi COP29 çərçivəsində iqlim mütəxəssislərini Azərbaycana dəvət edəcək [xfgiven_updateblue][/xfgiven_updateblue]

Bakının 2026-cı ildə Ümumdünya Şəhərsalma Forumuna ev sahibliyi etməsinə dair tədbir keçirilir [xfgiven_updateblue][/xfgiven_updateblue]

“İqtisadi artım üzrə işçi qrupu”nun növbəti iclası keçirilib [xfgiven_updateblue][/xfgiven_updateblue]

AZAL BMT-nin Qlobal Sazişinə qoşulub [xfgiven_updateblue][/xfgiven_updateblue]

Prezident: Azərbaycan həmişə inkişaf etməkdə olan kiçik ada dövlətləri ilə həmrəy olub [xfgiven_updateblue][/xfgiven_updateblue]