Dini Qurumlarla İş üzrə Dövlət Komitəsinin sədri Ramin Məmmədov avqustun 4-də Hacıqabul rayonunda vətəndaşları qəbul edib.

Bu barədə "Sizinxeber.az"a Dövlət Komitəsindən məlumat verilib.

Bildirilib ki, qəbul zamanı Şirvan şəhəri, Hacıqabul, Salyan, Neftçala və Biləsuvar rayonlarından olan vətəndaşlar İslam dininə aid ibadət yerlərinə və ziyarətgahlara din xadiminin təyinatı, məscid tikintisi, din xadimləri üçün nəzərdə tutulan müsahibədə iştirak, dini maarifləndirmə işinin genişləndirilməsi, dini icmaların kitablarla təmin edilməsi, eləcə də digər məsələlərlə bağlı müraciət ediblər.

Dövlət Komitəsinin aidiyyəti struktur bölmə rəhbərlərinin iştirakı ilə keçirilmiş qəbulda vətəndaşların müraciət və təklifləri diqqətlə dinlənilib, müvafiq tədbirlərin görülməsi ilə bağlı tapşırıqlar verilib.

Oxşar xəbərlər

Ramin Məmmədov Qazaxda vətəndaşların müraciətlərini dinləyib

Ramin Məmmədov Göygöldə vətəndaşları qəbul edib

Dini Komitənin sədri Şirvan şəhərində vətəndaşları qəbul edəcək

Ramin Məmmədov Hacıqabulda vətəndaş qəbulu keçirəcək