Şuşa Beynəlxalq Media Forumu beynəlxalq medianın gündəliyində qalmaqda davam edir

Şuşa Beynəlxalq Media Forumu beynəlxalq medianın gundəliyində qalmaqda davam edir.

APA-nın xəbərinə görə, dailysabah.com saytı da Şuşa Beynəlxalq Media Forumunda müzakirə olunan məsələlərə yer ayırıb. dailysabah.com saytında dərc olunmuş "Şuşa Forumunun ideyası: Feyk xəbərlərlə qarşıdurma" başlıqlı məqalədə bildirilir ki, forum hədindən artıq aktual hadisə idi.

“Aparıcı media nümayəndələri, siyasətçilər və digər maraqlı tərəflər, o cümlədən qeyri-hökumət təşkilatları (QHT) 2024-cü ilin iyul ayında Azərbaycanın Qarabağ bölgəsinin füsunkar Şuşa şəhərində toplandı. Şuşada keçirilən 2-ci Qlobal Media Forumu çap mediası, televiziya, nəşriyyat, redaktə və s. daxil olmaqla, müxtəlif peşəkar təbəqələrdən olan nümayəndələri qəbul etdi. Şuşaya Azərbaycandan olan iştirakçılarla yanaşı, daha 49 ölkənin vətəndaşının gəlməsi bu forumun sıradan bir hadisə olmadığını açıq şəkildə göstərdi. Bu, həqiqətən də böyük qlobal hadisə idi",-deyə məqalədə bildirilir.

Sayt yazır ki, Forum geniş işıqlandırılsa da, bu məqalədə Azərbaycan Respublikasının Prezidenti İlham Əliyevin köməkçisi, eyni zamanda Prezident Administrasiyasının Xarici siyasət şöbəsinin müdiri Hikmət Hacıyevin əsas nitqinə diqqət yetiriləcək.

"Yalan narrativlərin ifşası: Dezinformasiyaya qarşı mübarizə” mövzusu altında keçirilən forum, həddindən artıq yerində idi, çünki biz həddindən artıq çox yerdə və ölkədə daimi saxta xəbər təhlükəsi ilə üzləşirik. Saxta xəbərlər təkcə sosial mediadan başlıq yaratmaq üçün istifadə edən şəxslərə deyil, həm də sülh və sabitliyə təhlükə yaradaraq saxta reallıqlar yaradan müxtəlif ölkələrin hökumətlərinə aiddir. Türkiyə ilə bağlı mediada yazılan xəbərlər üzərində işləyərək, həm ölkə daxilində, həm də xaricdə bir çox həmkarlarımın “Türkiyəyə hücum” adlandırdıqları tendensiya ilə mübarizə aparmağa öyrəşmişik. Ona görə də Azərbaycanın da eyni təhlükə ilə üz-üzə qalmasını, “saxta xəbərləri” daima dəf etməsini görmək həm həyəcanlı, həm də kədərli idi. Hikmət Hacıyevin dediklərinə diqqət yetirək:

“İcazə verin, sizə bir neçə il əvvəl qarşılaşdığımız real hadisənin nəticələrindən danışım. 29 sentyabr 2020-ci il, BBC News-dan sitat gətirirəm. Ermənistanın müdafiə naziri bildirib ki, Ermənistan silahlı qüvvələrinə məxsus qırıcı təyyarələr Ermənistanın hava məkanında Türkiyənin F16 qırıcısı tərəfindən vurulub. Nəticədə Ermənistanın Su-25 qırıcısının pilotu həlak olub.

Bu, BBC tərəfindən dərc edilən sonra isə digər böyük beynəlxalq media orqanları tərəfindən yayılan xəbər idi. Bəs məsələnin əsli nə idi? Məsələnin əsli ondan ibarət idi ki, Azərbaycanın hava məkanında, Azərbaycanın Kəlbəcər rayonunda iki erməni qırıcısı bir-biri ilə toqquşub və özləri-özlərini məhv ediblər.

Bir ildən sonra biz SU-25-lərdən birini tapdıq. İndi o, Bakıda qənimətlər parkındadır və hamı onu görə bilər. Ancaq yenə də ziyan müharibə dövründə vurulmuşdu və yalanı ifşa edib reallığı təqdim etmək çoxsaylı səylər tələb etdi",-deyə Hikmət Hacıyevin Forumdakı çıxışından sitat gətirilib”.

Sayt yazır ki, bu görkəmli siyasətçi və ekspertin təqdim etdiyi məsələnin ikili səbəbi var.

"Birincisi, Hacıyevin də vurğuladığı kimi, Azərbaycana hücum edən xarici dövlətin təbliğat maşını saxta xəbərlərin mərkəzdə yer tutmasına imkan verməklə qlobal harmoniyaya ciddi təhlükə olduğunu vurğulayır. Bununla belə, yalan məlumatı təbliğ edənlərin dəqiqliklə qurulmuş tələlərinə düşməkdən çəkinməliyik. Çox vaxt bütün ölkələrdə ekstremist siyasətçilər tərəfindən aldadılan və əslində, nəyin doğru, nəyin yalan olduğunu yoxlaya bilməyən sülhsevər vətəndaşların əksəriyyəti günahsızdır. Müvafiq olaraq günahkarlar söz və faktiki müharibə qızışdırıcılarıdır.

İkincisi, rəqəmsallaşmanın tənqidinə ciddi yanaşmaq lazımdır. Şübhə yoxdur ki, biz rəqəmsal dünyada yaşayırıq və gündəlik həyatın bir çox aspektləri asanlaşıb. Bir tərəfdən, Aİ daxili bazarın rəqəmsallaşdırılması prosesinə başlayır. Digər tərəfdən, Türkiyə Birləşmiş Krallıqla Azad Ticarət Sazişinin modernləşdirilməsi prosesini tezliklə bərpa edəcək və rəqəmsallaşma diqqət mərkəzində olacaq.

Amma yanılıramsa, məni düzəldin - Hacıyevin çıxışında konkret xəbərdarlıq edilməyibmi? Yanlış təqdimatla bağlı “çirklənmədən” danışarkən, nə qədər istənməyən onlayn xəbərlər paylaşılsa, bir o qədər yaxşı olduğundan əminikmi?

Son şərhimə keçirəm. Şuşa forumunun iştirakçılarından bəziləri sosial şəbəkələrdə və ya ənənəvi mediada kimin nəyi dərc edə bilməsi ilə bağlı narahatlıqlarını ifadə etdilər. Bu, dünya səviyyəli media forumu olduğundan heç kim öz peşəsinə senzura tələb etməzdi. Amma ənənəvi mənbələrin nümayəndələri və fakt yoxlayıcıları olaraq, bu peşədə qalmaq istəyirik.

Bu halda biz əmin olmalıyıq ki, reallığı təhrif edənlər, daha sərt nəzarətə götürülür və ideal halda bu peşədən uzaqlaşdırılır. İstər sosial şəbəkələrdə şəxsi vətəndaş olsun, istərsə də dövlət qurumunun nümayəndəsi.

Diqqətli olsaq, nə süni intellekt, nə trol, nə də botların yaydığı saxta xəbərlər qalib gələ bilər. Lakin bu təhlükəyə məhəl qoymasaq, təhlükə qaçılmaz olacaq. Üç mənbəli fakt yoxlamasına əsaslanan ənənəvi media sağ qalacaqmı? İnkişaf edən demokratiyanın maraqları naminə, gəlin ümid edək ki, bəli”, - məqalədə deyilir.