Rəqəmsal İnkişaf və Nəqliyyat Nazirliyi tərəfindən həyata keçirilən “Onlayn Azərbaycan” layihəsi çərçivəsində 2024-cü ilin I yarımili ərzində Bakı şəhərində 220 min ev təsərrüfatı və biznes subyektinin genişzolaqlı internetə çıxış imkanı yaradılıb. Ümumilikdə təsərrüfatların 95%-dən çoxunun genişzolaqlı internetə çıxışı təmin olunub.

"APA-Economics" xəbər verir ki, layihə müddətində Bakı şəhərində genişzolaqlı internetə çıxış imkanı əldə etmiş ev təsərrüfatı və biznes subyektlərinin sayı 6 dəfə artıb. Carı ilin I yarımilində 2020-ci illə müqayisədə 5 dəfə çox təsərrüfatın genişzolaqlı internetə çıxışı təmin edilib.

Sözügedən layihə çərçivəsində 2024-cü ilin sonunadək ölkə ərazisində bütün ev təsərrüfatı və biznes subyektlərinin GPON və digər genişzolaqlı texnologiyalar vasitəsilə genişzolaqlı internetlə təmin edilməsi, yüksəksürətli internetdən istifadənin genişləndirilməsi və sabit genişzolaqlı internet abunəçilərinin faizinin artırılması planlaşdırılır.

Oxşar xəbərlər

Bakıdakı təsərrüfatların 95 %-dən çoxunun genişzolaqlı internetə çıxışı var

Londonun mərkəzində fermerlər etiraz aksiyası keçiriblər

"Aztelekom" Xankəndi və Xocalını internetlə təmin etdi

Azərbaycanda iqtisadi artım açıqlanıb

“İnternetə qoşulma və internet infrastrukturu” işçi qrupunun iclası keçirilib