Bu il fevralın 20-dən başlayan şaxtalı hava şəraiti bir neçə gün davam edəcək.

APA xəbər verir ki, bu barədə Milli Hidrometeorologiya Xidmətinin rəisi Nazim Mahmudov bildirib.

O qeyd edib ki, ən rekord şaxta 2012-ci ilin fevralında qeydə alınıb: "Son 40 il ərzində fevral ayında ən aşağı temperatur 2012-ci ildə qeydə alınıb və fevral ayının 1-dən başlayan şaxtalı hava şəraiti 13 gün davam edib. Havanın minimal temperaturu fevralın 8-də Bakıda mənfi 11 dərəcə olub, bununla da 1969-cu ilin 9-10 fevral rekordu (9.6 dərəcə şaxta) yenilənib".

Nazim Mahmudovun sözlərinə görə, 2014-cü ilin fevralında isə şaxtalı dövr 8 gün davam edib və ən aşağı temperatur mənfi 7.6 dərəcə olub: “Sonraki illərdə havanın minimal temperaturu 2021-ci ildə 5.5, 2017-ci ildə 3.4, 2023-cü ildə 3.1, 2024-cü ildə 2.8 dərəcə şaxta qeydə alınıb. Lakin qeyd olunan illərdə Bakıda və Abşeron yarımadasında şaxtalı dövrün davamiyyəti 1-3 gün olub. Bu il isə fevralın 20-dən başlayan şaxtalı hava şəraiti bir neçə gün davam edəcək”.

Oxşar xəbərlər

Oktyabr ayında ən çox yağıntı Abşeron yarımadasına düşüb

2024-cü ildə Azərbaycanda 43.5 dərəcə isti, 22 dərəcə şaxta qeydə alınıb

Ötən ay Bakıda havanın temperaturu 17 gün normadan yuxarı olub

43.5 dərəcə isti, 22 dərəcə şaxta qeydə alınıb - Azərbaycanda il ərzində müşahidə olunan hava

Bu ay ən çox yağıntı Abşeron yarımadasına düşüb