Milli Hidrometeorologiya Xidmətinin dekabrın 2-si saat 13:00-a olan məlumatına əsasən əvvəlcədən xəbər verildiyi kimi Bakıda və Abşeron yarımadasında dünəndən müşahidə olunan yağış yarımadanın bəzi yerlərində intensivləşib.

Bu barədə Sizinxeber.az-ya Xidmətdən məlumat verilib.

Yağıntılı hava şəraitinin dekabrın 4-ü səhərədək davam edəcəyi gözlənilir.

10:06

Dekabrın 2-si saat 9:00-a olan faktiki hava açıqlanıb.

Milli Hidrometeorologiya Xidmətindən Sizinxeber.az-ya verilən məlumata görə, dekabrın 2-si saat 9:00-a olan məlumatına əsasən əvvəlcədən xəbər verildiyi kimi hazırda ölkə ərazisində yağıntılı hava şəraiti müşahidə olunur.

Belə ki, düşən yağıntının miqdarı Bakıda və Abşeron yarımadasında 3, Lənkəran-Astara bölgəsində 17, Balakən-Şəki zonasında 7, Quba-Qusar və Mərkəzi-Aran rayonlarında 4, Qarabağ və Şərqi Zəngəzur bölgəsində isə 3 mm-dək olub.

Dağlıq ərazilərə qar yağıb, yağan qarın hündürlüyü Şahbuzda 17, Qrızda 12, Şahdağda 8, Lazada (Qusar) 3, Altıağacda 2 sm olub.

Sumqayıt, Daşkəsən, Göygöl, Gəncə, Naftalan, Şəmkir, Balakən, Qax, Zaqatala, Şəki, Oğuz, Quba, Qəbələ, Şamaxı, Qusar, Qrız, Göyçay, Ağdam, Beyləqan, Tərtərdə duman müşahidə olunub, görünüş 500 metrədək məhdudlaşıb.

Havanın temperaturu Bakıda və Abşeron yarımadasında 7, Aran rayonlarında 6, Naxçıvan MR-da 3 dərəcəyədək isti, dağlıq rayonlarda 3, yüksək dağlıq rayonlarda 14 dərəcəyədək şaxta qeydə alınıb.

Oxşar xəbərlər

Müşahidə olunan yağış yarımadanın bəzi yerlərində intensivləşib - FAKTİKİ HAVA

Bakıda və Abşeron yarımadasında yağış intensivləşib - FAKTİKİ HAVA- YENİLƏNİB

Bəzi rayonlara yağış yağıb, külək güclənib - FAKTİKİ HAVA

Lənkəran-Astara bölgəsində yağıntılı hava şəraiti davam edir - FAKTİKİ HAVA - YENİLƏNİB 2

Bir sıra rayonlara qar yağır - FAKTİKİ HAVA - YENİLƏNİB