"Səba" Açıq Səhmdar Cəmiyyəti istehsalı və satışı dayandırıb.

İqtisadiyyat.az-ın əldə etdiyi məlumata görə, bununla bağlı müvafiq qərar qəbul olunub.

Şirkətdən cavab olaraq istehsalın və satışın dayandırılması faktı təsdiqlənib.

Qeyd edilib ki, istehsal və satış avqustun 1-dən etibarən dayandırılıb və şirkətin özünə məxsus satış məntəqələri bağlanıb. Qərarın səbəbi açıqlanmayıb və hazırda şirkətin işçilərinin taleyi ilə bağlı məsələnin də sual altında olduğu vurğulanıb.

"Bəzi əməkdaşlar artıq şirkətdən ayrılıb, digərləri isə özlərinə yeni iş axtarışındadırlar", - məlumatda qeyd edilib.

Qeyd edək ki, ölkə üzrə marketlərdə bir müddətdir "Səba"nın məhsullarına rast gəlinmir.

Xatırladaq ki, ASC-nin digər broyler şirkətlərindən biri tərəfindən alındığı iddia olunur. 1997-ci ildə dövlət qeydiyyatına alınan "Səba" ASC-nin nizamnamə kapitalı 4,8 milyon manata yaxındır.

BAKU.WS

Oxşar xəbərlər

“Cinemazadeh” “Kontakt Home”u məhkəməyə verdi

"Azərkontrakt"ın xalis mənfəəti 4 dəfəyə yaxın azalıb

Türkiyənin aerokosmik şirkətinin nümayəndəliyi nizamnamə kapitalını 3 dəfə azaldır

Göyçayda 600 minlik yol təmiri - Saleh Məmmədovun himayə etdiyi bildirilən şirkət yenə qalib oldu

SOCAR ötən il üçün qazma, hasilat, emal və ixrac göstəricilərini açıqlayıb