Rusiya ərazisində mülki infrastruktura qarşı həyata keçirilən hücumlara cavab olaraq Ukraynaya kütləvi zərbələr endirilib.

TASS xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, zərbələr uzaqmənzilli yüksək dəqiqlikli hava, quru və dəniz bazalı silahlarla, həmçinin zərbə tipli pilotsuz uçuş aparatları ilə həyata keçirilib.

Nazirliyin məlumatına görə, hücum nəticəsində Kiyev şəhərində və Kiyev vilayətində yerləşən hərbi-sənaye müəssisələri və yanacaq-enerji kompleksi obyektləri, həmçinin Dnepropetrovsk, Poltava, Çerkassı, Çerniqov və Kiyev vilayətlərindəki hərbi aerodromların infrastrukturu vurulub.

Rusiya Müdafiə Nazirliyi zərbələrin Ukraynanın Rusiya ərazisində mülki infrastruktura qarşı həyata keçirdiyi hücumlara cavab olaraq endirildiyini bildirib.

Qeyd edək ki, Ukrayna tərəfinin məlumatına görə, Rusiyanın Kiyevə hücumu nəticəsində ölənlərin sayı 8-ə çatıb, yaşayış binaları dağılıb.

Oxşar xəbərlər

Rusiya ordusu Ukraynanın qaz və enerji infrastrukturuna zərbə endirib

Rusiya MN Ukraynaya kütləvi zərbə endirilməsi barədə məlumat yayıb

Rusiya Ukraynanın hərbi müəssisələrinə yüksək dəqiqlikli silahlarla zərbə endirib

Rusiya MN: Ukraynanın hərbi və mülki obyektlərə zərbələrinə cavab verilib

KİV: Kiyev Sakit okeanda Rusiya gəmilərinə hücum etməyi planlaşdırır