2024-cü ildə növbədə olan müharibə ilə əlaqədar əlilliyi olan şəxslərin hamısı avtomobillə təmin edilib.

"Report" xəbər verir ki, bunu Əmək və Əhalinin Sosial Müdafiəsi Nazirliyi yanında Sosial Xidmətlər Agentliyinin İdarə Heyətinin sədri Vüqar Behbudov bildirib.

Onun sözlərinə görə, hazırda avtomobillə bağlı növbədə olan yoxdur: "Gələcəkdə müraciətlər daxil olarsa, onlar qiymətləndirilib təmin ediləcək".

Sədr əlavə edib ki, post-müharibə dövründə 567 müharibə ilə əlaqədar əlilliyi olan şəxsə avtomobil verilib. Ümumilikdə isə bu günədək 7 800 imtiyazlı şəxs avtomobillə təmin olunub.

V.Behbudov həmçinin bildirib ki, post-müharibə dövründə 6 800 şəhid ailəsi və qaziyə mənzil və fərdi evlər verilib. Ümumilikdə isə bu günədək 16 mindən çox şəxs mənzillə təmin edilib.

Onun sözlərinə görə, ötən il 1 311 imtiyazlı şəxs kurort və sanatoriyalara göndərilib. Onların arasında şəhid ailələrinin üzvləri və Vətən müharibəsi iştirakçıları da olub.

Oxşar xəbərlər

Bölgələrdə şəhid ailələri, müharibə əlillərinə 150 mənzil və fərdi ev verilib

Bu il şəhid ailələri və müharibə əlillərinə daha 1 000 mənzil veriləcək

Şəhid ailələri, müharibə ilə əlaqədar əlilliyi olan şəxslərə 6 326 mənzil və fərdi ev verilib

Postmüharibə dövründə şəhid ailələri üzvləri və müharibə iştirakçıları olan 129 min şəxsə 354 min xidmət göstərilib

Postmüharibə dövründə şəhid ailə üzvləri və müharibə iştirakçılarına göstərilən xidmətin həcmi açıqlanıb