Bu il Qazaxıstan neft ixracını 2024-cü ildəki 68,6 mln. tondan bu il 70,5 mln. tona qədər (2,8% artım) artırmağı planlaşdırır.

Bu barədə “APA-Economics” Qazaxıstanın Energetika Nazirliyinə istinadən xəbər verir.

Məlumata görə, Qazaxıstan neftinin əsas alıcıları onu CPC, Atırau-Samara və Atasu-Alaşankou boru kəmərləri, eləcə də Aktau limanı vasitəsilə alan ölkələrdir.

Nazirlik xatırladıb ki, 2024-cü ildə Qazaxıstanda 87,7 mln. ton neft hasil edilib. Planla müqayisədə cüzi azalma ən böyük yataqlarda – “Tengiz” və “Kaşaqanda” aparılan təmir işləri, eləcə də beynəlxalq müqavilələrlə bağlı müvəqqəti məhdudiyyətlərlə izah olunur.

"2025-ci ildə 96,2 mln. ton neft hasil edilməsi planlaşdırılırv (9,7% artım – red.). İlk növbədə ilin birinci yarısında fəaliyyətə başlamalı olan "Tengiz" yatağında genişləndirmə layihəsi hesabına hasilatın artacağı gözlənilir. “Qaraçaqanak”da və Xəzər şelfində də işlər davam etdirilir", - məlumatda qeyd olunur.

Oxşar xəbərlər

Qazaxıstan şist neft hasilatına hazırlaşır

Bu il “Tengiz” yatağından nəql olunan neftin həcmi açıqlanıb

AÇG-dən 600 milyonuncu ton neft hasil edilib

BTC ilə tranzit neftinin nəqli azalıb

Bu il BTC ilə Qazaxıstan neftinin tranziti 1,5 milyon ton həcmində planlaşdırılır