Azərbaycan Qazaxıstanla arasında insan kapitalının inkişafını müzakirə edib

Azərbaycan Mərkəzi Bankı (AMB) və Qazaxıstan Milli Bankı arasında insan kapitalının inkişafı müzakirə edilib.

"Report" bu barədə AMB-yə istinadən xəbər verir.

Məlumata görə, qurumun nümayəndə heyəti Qazaxıstanda işgüzar səfərdə olub. Səfər çərçivəsində keçirilən görüşlərdə insan kapitalının inkişafı, performansın idarə olunması, müxtəlif öyrənmə və inkişaf fəaliyyətləri vasitəsilə əməkdaşların səriştələrinin təkmilləşdirilməsi, eləcə də insan resursları sahəsi üzrə digər mövzular ətrafında təcrübə mübadiləsi aparılıb.