ABŞ Prezidenti Donald Trampın Avropa İttifaqının (Aİ) mallarına yeni idxal rüsumları barədə açıqlamasından sonra qlobal bazarlarda artan qeyri-müəyyənlik fonunda qızılın qiyməti cümə günü axşam saatlarında bahalaşıb.

“Report” xəbər verir ki, bunu ticarət sövdələşmələrindən görmək olar.

Nyu Yorkun “Comex” birjasında qızılın iyun fyuçerslərinin qiyməti öncəki günün bağlanış qiyməti ilə müqayisədə 65,86 ABŞ dolları və ya 2 % artaraq 1 troy unsiyası üçün 3 360,86 ABŞ dolları olub.

Gümüşün iyul fyuçersləri isə 0,78 % bahalaşaraq 1 unsiya üçün 33,478 ABŞ dolları təşkil edib.

Qeyd edək ki, bu gün Tramp sosial mediada iyunun 1-dən etibarən Aİ mallarına 50 % həcmində rüsumlar tətbiq etməyi tövsiyə etdiyini açıqlayıb.

Oxşar xəbərlər

Qızıl ilin əvvəlindən 500 dollardan çox bahalaşıb

Qızılın qiyməti 2 900 dolları keçib

Qızılın qiyməti 3045 dolları ötüb

Qızılın qiyməti tarixi maksimuma çatıb

Qızıl və gümüşün qiyməti azalıb