Beynəlxalq Valyuta Fondunun (IMF) proqnozlarına görə, Azərbaycanın mal və xidmət ixracı 2025-ci ildə 32,7 milyard ABŞ dolları təşkil edəcək.

"Sizinxeber.az" xəbər verir ki, bu barədə IMF-in Yaxın Şərq və Mərkəzi Asiya iqtisadiyyatının inkişaf perspektivləri haqqında hesabatında deyilir.

Fondun proqnozlarına görə, Azərbaycanın mal və xidmət ixracı növbəti ildə 29,8 milyard ABŞ dolları təşkil edəcək, 2030-cu ilin sonuna isə 25,3 milyard ABŞ dollarına qədər azalacaq.

Bundan əlavə, IMF-in gözləntilərinə görə, Azərbaycanın mal və xidmət idxalı 2025-ci ildə 24,3 milyard ABŞ dolları, 2026-cı ildə 24,4 milyard ABŞ dolları, 2030-cu ildə isə 28,5 milyard ABŞ dollarına qədər artacaq.

Qeyd edək ki, 2024-cü ildə Azərbaycan xarici ölkələrlə 47 milyard 612,1 milyon ABŞ dolları məbləğində ticarət əməliyyatları həyata keçirib ki, bu da 2023-cü illə müqayisədə 7 % azdır. Ümumi xarici ticarət dövriyyəsindən 26 milyard 554,1 milyon ABŞ dolları ixraca, 21 milyard 58 milyon ABŞ dolları isə idxalın payına düşüb. Son bir il ərzində ixrac 21,7 % azalıb, idxal isə 21,8 % artıb.

Oxşar xəbərlər

IMF: Azərbaycanın strateji valyuta ehtiyatları 2030-cu ilə qədər 72 milyard dolları keçəcək

IMF: Azərbaycanın cari əməliyyatlar hesabının profisiti 2025-ci ildə 6 milyard dolları ötəcək

IMF: Azərbaycanın nominal ÜDM-i ilk dəfə 2030-ci ildə 100 milyard ABŞ dollarını ötəcək

IMF 2031-ci ilə qədər Azərbaycanın strateji valyuta ehtiyatları ilə bağlı proqnozları açıqlayıb

IMF-in Azərbaycanın nominal ÜDM-i üzrə proqnozları hökumətin gözləntilərini üstələyir