Azərbaycan Mərkəzi Bankında (AMB) Milli Depozit Mərkəzi ilə birgə “açıq mikrofon” formatında bir sıra səhmdar cəmiyyətlərinin nümayəndələrinin iştirakı ilə görüş keçirilib.

"Sizinxeber.az" bu barədə AMB-yə istinadən xəbər verir.

Görüş zamanı səhmdar cəmiyyətlərində korporativ idarəetmənin təkmilləşdirilməsi, emitentlərin illik hesabatlarının qanunvericilikdə nəzərdə tutulmuş qaydada tərtib edilməsi, səhmdarların ümumi yığıncaqlarının çağırılması və cəmiyyətlərin fəaliyyətinin qanunvericiliyə uyğun həyata keçirilməsi istiqamətində mühüm məlumatlar təqdim olunub. Bu istiqamətdə səhmdar cəmiyyətlərinin nümayəndələrinin ünvanlandığı suallar cavablandırılıb.

Bundan əvvəl AMB ir sıra rayonlarda səhmdar cəmiyyətlərinin nümayəndələri ilə məlumatlılığın artırılmasını hədəfləyən görüşlər keçirib.

"İnvestorların hüquqlarının qorunması məqsədilə həyata keçirilən bu təşəbbüslər davam etdiriləcək" - deyə qurum bəyan edib.

Oxşar xəbərlər

Azərbaycanda daha 29 dövlət əmlakı hərraca çıxarılacaq

Maliyyə xidmətləri istehlakçılarının hüquqlarının qorunması müzakirə edilib

Azərbaycanda ötən il səhmdar cəmiyyətlərinin 43 %-i auditdən keçməyib

AZCON-un idarəetməsinə veriləcək dövlət müəssisələrin siyahısı məlum olub

Azərbaycanda səhmdarların yığıncağını elektron qaydada keçirmək mümkün olub