Rusiyanın, aktivlərinə görə ən böyük Britaniya bankı HSBC Rusiya və Belarusdan ödənişləri qəbul etməyi dayandırır.

“Report” “Reuters”ə istinadən xəbər verir ki, bank müştərilərə bildiriş göndərib və iki ölkədən olan fərdi müştərilərə bütün daxil olan əməliyyatlara qadağa qoyulacağı barədə xəbərdarlıq edib.

Ötən ilin yayından HSBC artıq Asiya ilə əməliyyatlar üçün bankın Honkonq filialından istifadə edən Rusiya şirkətləri üçün ödənişlərə xidməti dayandırıb. Məhdudiyyətlər Rusiyaya sanksiya tətbiq edilmiş malların tədarükünü dayandırmağı tələb edən Amerika rəsmilərinin Honkonqa səfərindən sonra tətbiq edilib.

HSBC ödənişlərə yeni qadağanın səbəbləri barədə məlumat verməyib. Lakin qərar ABŞ-nin Rusiyaya qarşı maliyyə sanksiyalarını sərtləşdirməsindən və dövlət Qazprombank da daxil olmaqla 50 Rusiya bankını “qara siyahı”ya daxil etməsindən bir gün sonra qəbul edilib.

Sanksiyalarla bağlı açıqlamada ABŞ Maliyyə Nazirliyi həmçinin dünya üzrə kredit təşkilatlarını Rusiyanın “SWIFT analoqu” olan Rusiya Mərkəzi Bankının Maliyyə Mesajları Ötürmə Sistemi (SPFS) ilə əməkdaşlığa görə mümkün cavab tədbirləri barədə xəbərdar edib. 2024-cü ilin yayından sistem Avropa sanksiyaları altındadır. ABŞ Maliyyə Nazirliyi vurğulayıb ki, 20 ölkənin banklarının qoşulduğu sistem sanksiya məhdudiyyətlərindən yan keçmək üçün istifadə olunur.

Müharibəyə qədər Rusiyada törəmə bank biznesinə malik olan HSBC-nin Amerika hakimiyyəti ilə uzun münaqişə tarixi var: əvvəllər bank Meksika törəməsi vasitəsilə pulların yuyulmasında ittiham edilərək 2 milyard dollar cərimələnib.

2022-ci ilin mayında HSBC Rusiya biznesini bağlayacağını elan edib. İki il sonra bank Rusiyadakı törəməsini Ekspobanka satıb.

Oxşar xəbərlər

Bloomberg: Aİ Rusiyaya qarşı növbəti sanksiya paketi qəbul etməyi planlaşdırır

ABŞ Rusiyaya qarşı sanksiya siyahısını genişləndirib

Böyük Britaniya Rusiya və İrana qarşı yeni sanksiyaları açıqlayıb - YENİLƏNİB

ABŞ iki Rusiya bankını sanksiyalar siyahısına daxil edib

Rusiya XİN: Qərb Rusiyaya qarşı 20 minə yaxın sanksiya tətbiq edib