Məmməd Musayev: "2003-cü ildən bəri 23 mindən çox kiçik müəssisə və obyekt özəlləşdirilib"

Azərbaycanda 2003-cü ildən sonrakı özəlləşdirmə prosesi çərçivəsində 23 mindən artıq kiçik müəssisə və obyekt satılıb.

“Sizinxeber.az” xəbər verir ki, bunu Sahibkarlar (İşəgötürənlər) Təşkilatları Milli Konfederasiyasının (ASK) prezidenti Məmməd Musayev bildirib.

Onun sözlərinə görə, bunun nəticəsində 300 mindən artıq yeni iş yeri açılıb.

"Ümumi daxili məhsulda özəl sektorun payının artmasında dövlət əmlakının özəlləşdirilməsinin mühüm rolu var", - deyə ASK prezidenti qeyd edib.