BMT baş katibi beynəlxalq hüquqa və təşkilatın nizamnaməsinin prinsiplərinə hörmətin qarantı kimi çıxış edərək ikili standartlar olmadan fəaliyyət göstərməlidir.

"Report"un məlumatına görə, bunu BMT Baş Assambleyasının 73-cü sessiyasının sədri, beynəlxalq təşkilatın baş katibi vəzifəsinə namizəd göstərilən Mariya Fernanda Espinosa bildirib.

"Səmərəli fəaliyyət göstərən çoxtərəfli sistemin təməli beynəlxalq hüquqa və BMT Nizamnaməsi olan "konstitusiyamıza" hörmətdir. Baş katibin rolu nizamnamə prinsiplərinə riayət edilməsinin və həyata keçirilməsinin keşikçisi olmaqdır", - Espinosa deyib.

O, baş katibin qərəzsiz lider kimi qavrayışının əsas olduğunu vurğulayıb.

"Konkret vəziyyətdən asılı olmayaraq, ikili standartlarsız proqnozlaşdırıla bilən hərəkət etmək vacibdir", - Espinosa qeyd edib.

Oxşar xəbərlər

Cavid İsmayılov: İkili standartlar beynəlxalq öhdəliklərin davamlı şəkildə pozulmasına gətirib çıxarır

Çin MN: Ukraynadakı nizamlamada ikili standartlar qəbuledilməzdir

Türkiyəli nazir: Beynəlxalq təşkilatlar ikili standartlarla hərəkət edir

Nizami Gəncəvi Beynəlxalq Mərkəzi Delfi İqtisadi Forumunda iştirak edib