Rusiyanın “Azərbaycan diasporu” adlı saxta teleqram kanalında “Azərbaycan icması Bakını Moskva ilə münasibətləri pozmaqda ittiham edib” başlıqlı yazı dərc olunub.

Azərbaycan Respublikasının Diasporla İş üzrə Dövlət Komitəsindən “Report”a bildirilib ki, yazı Rusiyada Azərbaycan diaspor üzvləri ilə bağlı son hadisələrlə əlaqədar təxribat xarakterli bəyanatdır və bəyanatın Rusiyadakı Azərbaycan diasporuna heç bir aidiyyəti yoxdur.

Saxta teleqram kanalının belə məlumat yayması ölkəmizə və Rusiyada yaşayan soydaşlarımıza qarşı yönələn təxribatdır.

“Heç bir həqiqəti əks etdirməyən, təxribat xarakterli həmin yazıya istinad olunması, diasporun mövqeyi kimi ictimaiyyətə təqdim olunması yolverilməzdir. Media nümayəndələrindən belə həssas məqamda diqqətli olmağı xahiş edirik”, - komitədən bildirilib.

Oxşar xəbərlər

Prezidentliyə namizədlərin adından saxta səhifələr yaradılır - İki qurumdan XƏBƏRDARLIQ

MEDİA: Saxta məlumatlar Azərbaycanın informasiya mühitinə müdaxilə xarakteri daşıyan kampaniyanın tərkib hissəsidir

MEDİA: Azərbaycan Prezidenti adından saxta məlumat yayılıb

İstanbulda saxta spirtli içkidən ölən Özbəkistan vətəndaşlarının sayı 23-ə çatıb

MEDİA: “EekadFacts” internet resursunda ölkəmiz barədə məlumat reallığı əks etdirmir