Gəncədə "Zəfərin mübarək, Azərbaycan!" adlı konsert proqramı keçirilib - FOTO - YENİLƏNİB

Gəncədə Zəfər Gününə həsr olunmuş möhtəşəm konsert proqramı keçirilib.

APA xəbər verir ki, bu barədə Şəhər İcra Hakimiyyəti məlumat yayıb.

Qeyd olunub ki, Gəncə Şəhər İcra Hakimiyyətinin təşkilatçılığı ilə Heydər Əliyev Meydanında 8 Noyabr - Zəfər Günü ilə bağlı təsdiqlənmiş “Tədbirlər Planı”na uyğun olaraq möhtəşəm konsert proqramı baş tutub.

Tədbirdə Gəncə Şəhər İcra Hakimiyyətinin başçısı Niyazi Bayramov, Türkiyənin Gəncədəki Baş konsulu Recep Öztop, Gürcüstanın Gəncədəki Baş konsulu Qaxaber Abdaladze, YAP Gəncə şəhər təşkilatının sədri Bayram Aslanov, dini konvensiyanın nümayəndələri, məhkəmə sədrləri, hüquq-mühafizə orqanlarının, həmçinin idarə, müəssisə və təşkilatların rəhbərləri, Gəncə Şəhər İcra Hakimiyyəti başçısı Aparatının məsul əməkdaşları, hərbçilər, şəhid ailələri, müharibə iştirakçıları və şəhər sakinləri iştirak ediblər.

Əvvəlcə Hərbi Orkestrın ifasında Azərbaycan Respublikasının Dövlət Himni səsləndirilib.

Qeyd olunub ki, 27 sentyabr 2020-ci il tarixində Müzəffər Ali Baş Komandan, möhtərəm Prezident cənab İlham Əliyevin rəhbərliyi ilə başlanan, Azərbaycan xalqının Vətən müharibəsinə çevrilən “Dəmir yumruq” əməliyyatında qazanılan tarixi zəfər bu qələbələrin ən ali zirvəsi olub. 2023-cü il sentyabr ayının 19-a Qarabağ iqtisadi rayonunda keçirilən lokal xarakterli anti-terror əməliyyatları ilə burada olan erməni silahlı birləşmələri əzəli və əbədi, tarixi Azərbaycan torpaqlarından tamamilə çıxarıldı. Bununla da, Azərbaycanın dövlət suverenliyi bərpa edildi. Artıq, Azərbaycan Dövlət Bayrağı Respublikamızın bütün bölgələrində qürurla dalğalanır.

Daha sonra F.Əmirov adına Gəncə Dövlət Filarmoniyasının solistləri, Göygöl Dövlət Mahnı və Rəqs Ansamblı, Uşaq İncəsənət Məktəbinin “Xəmsə” nağaraçılar ansamblı, “Xəmsə” Uşaq Rəqs Ansamblı, Yüksəl Əlizadə adına Akustik Musiqi və İncəsənət Mərkəzinin Ansamblı, həmçinin Xalq artistləri Şahnaz Haşımova, Heydər Anatollu və şəhərimizin digər incəsənət xadimləri tərəfindən konsert proqramı təqdim edilib. Konsert proqramında müğənnilərin ifasında vətənpərvər ruhda bir-birindən şən mahlılar səsləndirilib.

Konsert proqramının sonunda yeddi dəqiqəlik möhtəşəm atəşfəşanlıq olub.

***

8 noyabr, 21.21

Gəncədə Zəfər Günü münasibəti ilə "Zəfərin mübarək, Azərbaycan!" adlı konsert proqramı təşkil olunub.

APA-nın yerli bürosunun məlumatına görə, Gəncə Şəhər İcra Hakimiyyətinin təşkilatçılığı ilə keçirilən konsert proqramı şəhərin Heydər Əliyev meydanında baş tutub.

Tədbirdə Gəncə Şəhər İcra Hakimiyyətinin başçısı Niyazi Bayramov, YAP Gəncə şəhər təşkilatının sədri Bayram Aslanov, Türkiyənin Gəncədəki Baş konsulu Recep Öztop,Gəncə Şəhər İcra Hakimiyyəti başçısı Aparatının məsul əməkdaşları, bələdiyyə sədrləri, idarə, müəssisə və təşkilat rəhbərləri,şəhid ailələri və qazilər iştirak ediblər.

Şəhər sakinləri konsert proqramını coşqu ilə qarşılayıb. Yerli incəsənət xadimləri vətənpərvərlik mövsusunda musiqlər səsləndirib.

8 Noyabr - Zəfər Günü münasibəti ilə baş tutan konsert proqramı möhtəşəm atəşfəşanlıqla yekunlaşıb.