Britaniyalı jurnalistlər Miranda Şunke və Mariam Zaidi BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) zamanı “BakuTV"nin komandasına qoşulublar.

“Sizinxeber.az” xəbər verir ki, M.Şunke və M.Zaidi bu beynəlxalq tədbirə həsr olunmuş iki xəbər proqramının aparıcıları kimi çıxış ediblər.

“BakuTV”nin xüsusi reportajında britaniyalı jurnalistlər kollektivlə iş təəssüratlarını bölüşüb və komandanın yüksək peşəkarlığını qeyd ediblər.

"Bakıda BMT-nin iqlim konfransından zövq alaraq, “BakuTV”dəki həmkarlarımıza gündəlik reportajlar hazırlamaqda kömək edirdik. COP29 şübhəsiz ki, Bakıda keçirilən ən böyük tədbirlərdən biridir. Bu, bütün iştirakçılar üçün həyəcanverici idi. Kanalın bütün əməkdaşları ilə işləmək bizim üçün xoş oldu" - onlar bildiriblər.

Öz növbəsində “BakuTV”nin rəhbərliyi jurnalistlərə əməkdaşlıqlarına görə təşəkkür edib və birgə işin telekanalın beynəlxalq yayımının inkişafında yeni perspektivlər açdığını vurğulayıb.

Oxşar xəbərlər

Hale Aydoğmuş: COP29-da əhəmiyyətli qərarlar qəbul ediləcək

NASA astronavtları kosmosdan videobağlantı ilə COP29 iştirakçılarına müraciət ünvanlayıblar

ÜST rəsmisi: Bakıda COP29 iqlim danışıqlarını yüksək qiymətləndiririk

Britaniyalı nazir: Azərbaycanın iqlim təşəbbüslərini dəstəkləyirik

Elvin Əşrəfzadə: İnklüzivlik COP29 sədrliyinin mühüm prinsiplərindən biridir