"Avstraliyanın İtki və Zərərlərə Cavab Verən Fondun fəaliyyətinə 32,5 milyon dollar vəsait ayırmasını yüksək qiymətləndiririk".

APA xəbər verir ki, bunu COP29-un baş danışıqçısı, xarici işlər nazirinin müavini Yalçın Rəfiyev COP29 Prezidentliyinin mətbuat konfransında söyləyib.

O əlavə edib ki, Yeni Kollektiv Kəmiyyət Hədəfinə dair müzakirələrdə tərəflər indiyədək dəfələrlə bir araya gəlib: "Biz tərəflərə yekun razılaşmanın əldə edilməsində qərarlı göründüklərinə görə təşəkkür edirik. Hesab edirəm ki, artıq öhdəliklərin ortaya qoyulmasının vaxtıdır. Artıq adaptasiya üzrə qlobal hədəf, yeni kollektiv kəmiyyət hədəfi və BƏƏ ilə razılaşma üzərində işləyirik. Bu sənədlərin yarısı bu gecə açıqlanacaq. Çünki mətnlər üzərində iş hələ yekunlaşmayıb. Tərəflər ən kompleks məsələləri müzakirə etməli, müxtəlif həll variantları və təkliflər müəyyənləşdirilməlidir. Burada verilən qərarlar nəticəsində Paris İqlim Razılaşmasının birinci onilliyindən ikinci onilliyinə keçməyə hazır olacaqlar".

Oxşar xəbərlər

COP29-un baş danışıqçısı tərəfləri yeni kollektiv kəmiyyət hədəfləri üzrə sənədin ilkin mətnini razılaşdırmağa çağırıb

Nazir: COP29 ölkələrin öz iqlim hədəflərini açıqlaması üçün mükəmməl bir imkandır

COP29 Prezidenti: Tərəflər arasında fikir ayrılıqlarının aradan qaldırılması istiqamətində intensiv fəaliyyət göstərilib

Yalçın Rəfiyev: İqlim fəlakəti ilə bağlı kiçik ada dövlətlərinin səsi eşidilməlidir

COP29-un baş danışıqçısı fransalı nazirin Bakıya səfərini ləğv etməsinə münasibət bildirib