Bakı və Astana Qazaxıstandan Azərbaycana balıq və balıq məhsulları, həmçinin bal və digər arıçılıq məhsullarının ixracı üçün baytarlıq sertifikatlarının formasını razılaşdırıb.

“Sizinxeber.az”un Qazaxıstan bürosu ölkənin Kənd Təsərrüfatı Nazirliyinə istinadən xəbər verir ki, razılaşma baytarlıq sahəsində ikitərəfli əməkdaşlığı gücləndirmək məqsədilə əldə edilib.

Sertifikatlar iki ölkənin səlahiyyətli baytarlıq xidmətləri arasında aparılan rəsmi danışıqlar zamanı hazırlanıb və razılaşdırılıb.

"Bu addım heyvan mənşəli məhsulların baytarlıq-sanitariya təhlükəsizliyinin təmin edilməsi məqsədilə həyata keçirilən birgə işin nəticəsidir və dövlətlər arasında yüksək etimad və qarşılıqlı fəaliyyətin göstəricisidir.

Baytarlıq sertifikatlarının formalarının razılaşdırılması qazaxıstanlı istehsalçılar üçün yeni imkanlar açır və Azərbaycanın perspektivli bazarına çıxmağa kömək edir", - məlumatda qeyd olunub.

Oxşar xəbərlər

Azərbaycan və Moldova baytarlıq sahəsində əməkdaşlq edəcək

AQTA tərəfindən Azərbaycandan Çinə quş əti və digər quşçuluq məhsullarının ixracına icazə əldə olunub

Heyvan bazarlarına dair baytarlıq-sanitariya norma və qaydaları təsdiqlənib

Azərbaycan və Belarus baytarlıq preparatlarının istehsalı üzrə birgə müəssisə yaratmağı planlaşdırır

Azərbaycan və Belarus arasında baytarlıq sahəsində əməkdaşlığa dair sənəd imzalanıb