Kreml Rusiya tərəfinin “1 000-in 1 000-ə" formulu üzrə mübadiləsi aparılacaq şəxslərin siyahısını Kiyevə təqdim etdiyini təsdiqləyib və buna cavab olaraq Ukraynadan siyahı gözlədiklərini bildirib.

“Report” xəbər verir ki, bunu Rusiya Prezidentinin mətbuat katibi Dmitri Peskov "İnterfaks"a açıqlamasında deyib.

"Biz həqiqətən də öz siyahımızı təqdim etdik. Kiyevdən siyahını hələ almamışıq. Gözləyirik", - o bildirib.

Peskov mayın 22-də brifinqində demişdi ki, Ukrayna ilə "1 000-in 1 000-ə" formatında əsir mübadiləsinə hazırlıq vaxt tələb edir, lakin hamı bu prosesi maksimum dərəcədə operativ şəkildə başa çatdırmaqda maraqlıdır.

Rusiyadan mübadilə üçün şəxslərin siyahısının alınması barədə Ukrayna Prezidenti Volodimir Zelenski keçirdiyi müşavirədə məlumat vermişdi. Onun sözlərinə görə, mübadiləyə Ukraynanın müdafiə naziri Rüstəm Umerov nəzarət edir.

Oxşar xəbərlər

Rusiya ilə "1000-in 1000-ə" formatında əsir mübadiləsi Ukraynada müzakirə edilib

Rusiya atəşkəs üçün şərtlər siyahısını hazırlayıb Ukraynaya təqdim edəcək

Rusiya "1000-in 1000-ə" mübadilə üçün əsirlərin siyahısını Ukraynaya təhvil verib

Peskov: Minsk Rusiya, ABŞ və Ukrayna liderləri arasında danışıqlar üçün ən yaxşı yerdir

Peskov: Rusiya və ABŞ Rusiya-Ukrayna münaqişəsinin həlli üzrə çalışır